هذا ما كتبته للشيخ حسين الأكرف ليلة 16 صفر في الحضرة الحسينية و الله يــا ضامن الجنــه جينــا للجنه إحنا زوّار الحسين انصيح واسمعنــه آه يحسين .. آه يحسين

يـ بو الأكبـر منّــــك أرجو المعـذره ما قطــع ليّـــــه حبيــب (التذكـره) هذا للمظلوم من قلبـــي اعتـــذار يوم خاب الرجا وطال الإصطبــــار معظم الحمــلات راحت للمطــــار وآنـا يائــس مِـنِّــي مل الإنتظــــار والأسف من قلبي صرت استشعره ما قطــــع ليّـــه حبيــب (التذكـره) أشتكي الحال وجمر صدري يثـــور آنـا يا بوسكينــــه خادم لك غيـــور عندي قلــب وينجـرح عندي شعـور يعني ما أستاهِـل أوصل لك و أزور؟ ليش ياللي انقطـع بالطف منحـــره ما قطــــع ليّـــه حبـيــب (التذكـره) جاني صوت الأمـل والحُب والضمير إحنــا ما نحرم أحـــد مهمـا يصيـــر ولا يعجزِّنـــــا مريـــض ولا فقيـــــر والله نوهَـــب لك جناحيـن وتطـيــر اتفتشـك الأمــلاك في كل سيطــره ونقــدر انسفــرك بليّــــا (التذكـرة) قوم جهِّــز شنطِّتــك واستعد زيـــن واسطـه جت لك سببهــا الدمعتيــن إشكر الله وقـــوم صـل لك ركعتين وصل إسمك تحتـه توقيـــع الحُسين إطلب (الڤيــــزا) من سبع القنطره واطمئِــن قَص لك حبيـب (التذكره) 11 صفر 1436هـ 4 ديسمبر 2014م

ما لقيت بمعجم الحُــب حتى كلـــمه توفي لاحساسي اتجـاهك لو تِفِهـــمه مو أخِدمَك بس يأحلى وأغلى نِعـــمه... كلمن يخِدْمَـــك أنــــا بعيني أخِـــدمه أعشــــق المنبّـر لأنّــه منخلق لـــــك واعشق القاريء إذا يبكي اعلى قتلك واعشق الرادود إذا أصـبــح يبجلـــــك ما أمِلّــــك واللـــه واللـــه ما أمِلّــــك تدري حتى المسجد بكثــر الإنـــــــاره يذكّـر اقليبــي بحبيبــــه وبمــــــــزاره من أشوف بأي محل قُبّـــه ومنــــــاره أذكرك واتمنّــى لو أحضى بزيـــــــاره كلمن اسمه حسين يعز والله عليّــــــه ودِّي اعطيــه العمر بِســــمه هديّــــــه واللي صار اسمه اعلى إسمك يا شفيّه أخِدمه لو بس تِـــأشِّـــر صبعــه ليّـــــه المآتم والمضيفـــــــــــات الكريـمــــه والمواكِب والشعارات العظيمــــــــــه كلها في قلبــي قبل نبضي مُقيمـــــــه هـذا حُبي للحُسيــن الله يديمـــــــــــه حبيبي يا حسين نادر التتان

 والِدي لَمْ تنتظر لَوْ ليلَتــيــنْ! ... لوداعٍ رمتُــهُ عَيْنـــاً بـعَـيْـــنْ، يا حبيــبي يا أبـــي يا بسمتي ... أينَ ألقاكَ بُعَيْـدَ الهَجْرِ أيـــن، ها أنــــا جــرحٌ بوادي كـربلا ... أحضنُ اليُتْـمَ بدمعِ المُقلتَيـنْ

يالقــاصد تــزور ابــن المياميــــن دعواتــــك ودعــــوات الملاييــــن إحضن قبـره بدموع المساكيــــــن قول : ( الله يفــك كل المساجيـــن )

لأمَـــل جـرعـه والأمانــي ملعقــه ~•• والحُــب دوا يشافيـك من كل العِلَـل -- داوم علـى الـوِد والمحــبَّـه والثِـقــه ~•• بحُب النبي المصطفى وخير العَمل

(يمكن) تموت الذكرى في الوجدان •• والواقــع المُــر ينــفـــرض محتــوم (يمكن) تظل الشوكـه في الأغصـان •• وبكــل حسافــه يرتمــي المشمــوم  

كل شي تقدر تحرقـه بكلمه (مُضاد) •• وكل لهَـب تطفـيــه كلمة (يا مُجيــر) (ياعلي) بــس تحـرق اذنوب العــبـاد •• (ياعلي) يـوم الحشر تطفي السعيـر (ياعلي) إشراقـــه تحــرق كـل سواد •• (ياعلي) غيمــة أمــل تطفـي الهجير (ياعلي) الثوره اللي تحرق كل فساد •• (ياعلي) تطفي ظمى وجوع الفقـيـر (ياعلي) تحـرق ثــقــة ذات العِــمــاد •• (ياعلي) تطفــي اللواهــب بالضميـر وإْنْ بغيت المؤمــن يحـــس بالبَـــراد •• إصرخ ( أقبَــل يوم تنصيب الأميــــر) وإنْ بغيت الناصبــي يصبـــح رمـــــاد •• في أذونه إهمِس: (وصل عيد الغدير) # مساء الغدير # وللقلبِ سؤال : لن نُتعب أنفسَنا بسؤالِ هذا وذاك إنْ كانَ من مُحبي علي أو لا ! في عيدِ الغديرِ كلُّ عشقٍ لعلي يبتسم وكلُّ بغضٍ لعلي يحترق لماذا لا ننظرُ للدنيا بعين الغدير ؟! جُمعة مُباركة 2 نوفمبر2012م نـادر التـتـان

المـــودّه والــــغـلا والحُـب حـــلال •• لا تـحـــرّم كيفـــك وبُـــكـره تبيــح على كيفك تبغي ما تبغي الوصـال! •• يــا زعم ماتعرف اتجامل .. صريـح!  

الصبــحُ الذي قـد شَــعَّ آمــــالْ •• صُبْــحٌ خارِجِـيُّ الضـوءِ مـدفوعْ والشَـمْـسُ الَّتي بالنـورِ تنـهـالْ •• عَنْ إشراقِها الترخيصُ مقـطوعْ