يـ بو الأكبـر منّــــك أرجو المعـذره
ما قطــع ليّـــــه حبيــب (التذكـره)

هذا للمظلوم من قلبـــي اعتـــذار
 يوم خاب الرجا وطال الإصطبــــار

معظم الحمــلات راحت للمطــــار
 وآنـا يائــس مِـنِّــي مل الإنتظــــار

والأسف من قلبي صرت استشعره
 ما قطــــع ليّـــه حبيــب (التذكـره)

أشتكي الحال وجمر صدري يثـــور
 آنـا يا بوسكينــــه خادم لك غيـــور

عندي قلــب وينجـرح عندي شعـور
 يعني ما أستاهِـل أوصل لك و أزور؟

ليش ياللي انقطـع بالطف منحـــره
ما قطــــع ليّـــه حبـيــب (التذكـره)

جاني صوت الأمـل والحُب والضمير
 إحنــا ما نحرم أحـــد مهمـا يصيـــر

ولا يعجزِّنـــــا مريـــض ولا فقيـــــر
 والله نوهَـــب لك جناحيـن وتطـيــر

اتفتشـك الأمــلاك في كل سيطــره
 ونقــدر انسفــرك بليّــــا (التذكـرة)

قوم جهِّــز شنطِّتــك واستعد زيـــن
واسطـه جت لك سببهــا الدمعتيــن

إشكر الله وقـــوم صـل لك ركعتين
 وصل إسمك تحتـه توقيـــع الحُسين

إطلب (الڤيــــزا) من سبع القنطره
 واطمئِــن قَص لك حبيـب (التذكره)


11 صفر 1436هـ
4 ديسمبر 2014م