نــســتــودعــك الله يـٓ شــهـر المغفرة •• أهـلـي و خـلانـي و أحـبـابـي و أنا

    نــســتـودع ألـطـافـك و أجْـر الآخرة •• نـسـتـودع أيـامـك و وقـتـك و الـمُنى

    نـسـتـودعـك و انــقـول شنهو ايعذّره •• قـلـب الـ تعلق فيك و إحساسه انفنى

    قـلـب الـ تـعـلـق فـيـك شنهو ايصبّره •• لــو مــنــه تــالــي نـور بـدرك مـا دنا

    نستودعك عين اللي كـل شي تستره •• عـيـن الإلـه و كل شي عنها مـٓ انثنى

    يـٓ اللـي إلـى الـمـكـسـور قلبه تجبره •• لـو هـو ذلـيـل و عـايـش ابـذنـبه العنا

    يــا ربـنـا و ابحق اسمك اللي تنظره •• عـيـن الـخـلق و اتلاقي بحروفه الهنا

    نـدعـيـك و نـطـلب يـٓ اللي كل المقدرة •• بـيـدك ، علينا اتعوده يـا رب كل سنة

    وٓداعية شهر رمضان ، شهر المغفرة شهر الرحمة ، شهر التوبة الهي إن بقي في الأعمار من شيء أعِده علينا بحق اسمك يا كريم

    .. الأربعاء .. 7 أغسطس 2013 مـهـدي عـبـدالـغـني