قلبي داخل صدري يتوضّـا ويصـلِّي
•• تـالي يطلـع لابــس إحرام المحبّــه

إنتو حج أشواقـي والحُـب بالتجـلِّي
•• مِن مشاعركم أصمّـــم أحلى كعبـه

قلبي بالحُب جاد مـو بـس للتسلِّي
•• مؤمِن بكل شـوق أشتـاقه وأجربــه
...
ما أحِب النِــــزره والصَــد والتعـلِّي
•• ما أحِب اللي يخِــش مفتــاح قلبــه

ما أحِب اللي التشـاؤم طبعه واللي
•• كل شَي في هالدنيا صاير مايعجبه!

مايشوف العيد عيد احساسه مو لي
•• انا عندي العيـد عيـد و لو في غربـه

واللي رافض يبتسِـم .. خَلّـه يولِّــي
•• معنويّـــاتي عــزيـزه وماهي لعبــــه

طبعــي متفائل واحـب الناس مثلي
•• واللي قلبــي يعجبه يحبنـي و أحِبَّــه

# مساء التفاؤل #

وللقلبِ سؤال :

هذا العيـدُ في دستورِ الله
هَل من الوفاءِ للشُهداء والمعتقلين
أنْ توبّخني حين أقول لك : عيدُك مُبارك ! ؟

الخميس 25 اكتوبر2012م
نـادر التـتـان